Funny World

　呢個 week 我都係做緊呢間公司，呢間野既 scale 都 ok 中型，我可以 overview 咁睇哂佢成間公司既運作，用過o的咩 marketing skills, 又睇到佢點轉型，學到好多 trading 同company structure 既野。又識左佢個 finance manager ，佢記得我呢個 small photo 叫 Dennis ，勁！發覺原來真係一講揍仔經話題就會源源不絕！不過我搭唔到嘴，唯有唔客氣地食佢地既開 job 飯，食到…好飽！

　今日o係葵興放工，就去荃灣轉小巴諗住去荃灣廣場間百老匯買定飛睇戲。因為放工時間好多人，所以都要等幾架小巴先上得車。

　企o係條龍隊既後面時…有個幾標青既女士拍我膊頭。「請問你呢度係未等車去荃灣廣場架？」我考慮半秒之後就答佢係喇，之後擰番個頭去前面再思索下我有無教錯路？um, 前面得一個站，呢個位置我好記得無問題既，都係無謂再加咁多解釋喇。剛剛放下心神，後面就傳黎o個個女仔同佢d fd 講：「仆X，咁熱 bababa~ 要等幾耐？ bababa~」 (~.~|| ) 

　企係度時，我因為個袋異常地重，咁我未放一放落地下囉。o的動作好光明磊落架。前面個女仔突然間 check 佢個單"咩"袋後面咁。大姐仔，你駛唔駛咁作狀呀？成丈遠，我又無掂到你個袋。攪到我好似偷你野/非禮你咁……香港d女仔係未個個都係咁？請你小心你o的表情同動作喇，好難睇喔…

　等等下我都唔耐煩，無端端見到阿 Lam 喎！【BU o個阿 Lam 呀】佢拍一拍我，haha~ 估唔到o係荃灣見到佢，「佢問我做緊邊間？」我答佢「中天華正，係未好霸呀？」haha，佢話未聽過添。「咁呢間野年年改名，邊度會有人知呀…好似下年又改過，應該會仲霸o的~ haha~」之後我上車，佢搭 MTR lu~ 

　上車，落車，為免多生事端，最遲一個落。去到百老匯買飛，原來咁齊人，前面做作得很既女仔o係度買緊飛，後面三朵"姊妹花"都排緊隊。樣樣野都好巧合咁。

　臨上車番屯門見到一個十幾歲男仔個頭成個磨菇雲咁，好攪野！佢仲輕輕撥佢額前d雲閒，勁好笑呀！頓時發覺呢個世界好 funny 。