Category: daily living

一直用九方 無替代品 如果係蘋果 mac pro 就唔識打中文字，或者 ipad 同 iphone 都剩係可以用手寫輸入，效果真係太慢太差。 無意間睇到 iphone 有廣東話拼音輸入法，可以用傳統 keyboard 黎打中文字， 我諗會容易過再學倉頡或者速成。

今日一如以往年度, 重新續咗呢個唔合潮流嘅個人網站。 每年都諗一諗，點解要俾幾百蚊去續約。當個人越大，經驗就愈重要，而人生閱歷就係存在於世上既證據。每一次都覺得回憶係無價，HKD700係需要俾。 俾完錢，就開始考古呢個 establishment，發覺又有幾年無上過黎。但係出奇地發現，每日都會有幾個人莫名其妙地入左黎參觀。 睇番自己之前寫既 website development ，原本第一版係 2001 年落成，今年已經係第 25 個年頭，25 年既資料，點可以話隨便放棄？ 再睇睇幾年前既我做左o的乜：原來驚俾人起底，將所有 post 全部 private 左。係 2026 年既今天睇返轉頭，係呢個AI世代，寫字完全唔值錢，仲 private 黎做乜？大家係 Facebook, Instagram, Twitter, Threads 留下既資料仲唔係俾我呢度既野多？所以我好應該將o的 post 變番做 public。 既然我決定左續約，就應該要付出，又用 AI 幫我計劃下點樣呢駛付出大量時間又可以有o的付出，而下面呢個就係佢既建議： Post Type Structure Time to Post The Weekly “Audit” 3 bullet points of what happened this week. 5 mins The “Snapshot”…

今日一路準備工作既時候順便偷閒去更新一下o的bookmark。發覺已經一年多無黎呢個個人網站。無錯，個人網站呢個都幾old school 既term我諗現時好多人都未必經歷過。我留意到大家都話社交網站受到監控，而一o的出名既網上社交人士呼籲讀者轉去另外一o的社交網站，令我不其然諗番起成立個人網站呢樣野同埋當時建立個人網站既熱潮。 今年為左抗疫，在家中添置了幾樣抗疫神器。少不免有switch 、動森、ring fit、Just Dance、麵包工房等等，幫太太解決左佢宅在家既無聊。尋日仲加入左 netflix呢個新成員，馬上睇左兩集劇集，其中一集係遠古BBC 既 Sherlock Holmes第一輯第一集，John Watson 見醫生，醫生同佢講將心事寫落個blog度作為治療。可能係咁，今日有個潛意識要黎呢度懷緬過去舊事。 第一個難關係要突破自己既記憶枷鎖，點樣可以諗番個密碼入黎編輯版面，經過一輪努力同埋自豪既密碼管理方法使用之後，終於成功過關入黎呢度寫下最近的瑣碎事，第二個難關更複雜，就係要解決大量執筆忘字既問題，呢度話俾之後既自己知，以上既每句句子最少有兩三個字完全唔記得點寫。仲有第三個難關就係，我呢一刻明白有需要維持寫下blog，但我有幾大決心同毅力寫落去？ 維持寫blog既好處： 舒發感受同壓力 練習寫作，防止執筆忘字 訓練同整理思維，腦袋不能只有input無output。有output, o的知識先至係屬於自己 每日覆盤，可以令自己每日有進步 寫blog既難處： 每日工作挑戰忙到無得休息，可以點安排時間寫野？ 做左人夫之後，點樣安排到慎獨既時間，平衡各個身份之下既責任？ 寫blog仲有乜野話題？ 公開blog既內容會唔會影響自己既工作、前途、理念同埋一o的無辦法預料到既後果？ 初步解決方法既建議： 安排一個私人時間處理blog務，好似今日咁呢個lunch time? 寫blog既初心只求寫下自己野，無謂諗得咁辛苦遷就讀者意見？ 寫都係寫o的我個人關心既事項，例如，家庭、工作所見所聞事項、個人心智發展、健康？但作為一個有political apathy既人仲係未真係可以生存到？想做一個生存係平行時空既人仲係未一個正常人？本身就唔想討論政治既人係唔會識答呢o的問題，因為呢o的本身就係政治問題。 就算唔理政治，但係政治會黎搵我，我有無心理準備應付突如其來既危機？呢個問題我無解決辦法，暫時hold on。 最近生活同工作既體驗： 如果唔用evernote，轉用notion有乜好處？其實點解坊間有人突然間話唔用evernote？ 就黎要參與主持公會既活動，好快黎緊就係工作生涯上既一個milestone 阿妹就黎有新成員、阿媽同阿妹又就黎搬屋，作為阿哥同仔我有乜野要預備同埋處理？ 2020呢個咁既環境好似無野achieve到，黎緊2021仲有乜野可以set personal and work goals？Goal-setting 係今年黎講比起以前更加困難，點樣先可以拎到最大既社會資源？

用左個牙箍之後，個人訓覺無再嘈到老婆，日頭係精神左，但係右邊牙骹一合埋就痛，痛到食唔到野，反而可能仲可以減埋肥，一石幾鳥，所以其實係應該繼續 keep 住用。 右邊牙骹應該係好多年前打波俾人手肘打批中，記得痛左好幾日，無理佢，唔大力咬嘢同擘大口就無事，但係而家又痛翻。 上網見到有呢啲練習試下。 ＤＩＹ：  １站在鏡子前面 ２用一支竹筷子橫咬，越向裡面越好 ３上下門牙中縫對齊用力咬 ４用手按摩傷側關節，然後邊按摩邊用力咬一下放鬆一下，這樣做１５分鐘 一天做三至五次，這樣做幾天以後就會比較好了，這樣就能慢慢改善了，初期咬的時候如會很痛，力道可以放輕，等比較不痛時再加重力道 連結

好耐都無試過個腦係咁清晰了，我覺得今日做o的乜都會有好效果的！

今日放棄左無出街，因為實在太熱同埋無體力喇。琴日行左幾個鐘就成身滾哂，又頭暈，好似中暑咁。今日都係留係房休息下。睇埋本七月號 GQ 同埋 “What the Most Successful People Do Before Breakfast”。Btw, 出面又下雨… P.S. 下次出 trip 記住帶 Canon 部計數機同埋 Nike 對輕量跑步鞋。

留係上海第三天，開始有的悶。其實我係上海有幾個朋友，應該要找他們出來聚會嗎？ 一個人夜晚食完 Pizza Hut 諗住周圍行下，睇下酒店出面有塊空地好多人跳社交舞既畫面，點知行行下落雨，半路中途要跑住番o黎真掃慶。 聽日去邊好？想一早去樓下 Starbucks 買杯 Grande Latte 坐係室外觀察上海？