上補習班路途中見到都會望幾眼，覺得呢個 look 好型~! haha~ 　呢段時間裡面都無咩好值得記底既，熙曾經叫我 send 個 email 俾佢講下我近況，都試過 draft 過一個 email o既，但係生活平平無奇，真係寫唔出…  ‧工作依舊忙碌，返過大陸，試過唔同類型既 jobs ，仲好有挑戰性 ‧愛情 sweet 到不得了， Christmas 就到，思念愈黎愈嚴重！ ‧讀書仍然係咁困擾，雖然考牌只係逐科逐科咁考，但係溫書時間真係少得可憐，過o左一關，但係仲有四關。黎緊仲有三年大計   聖誕節就o黎到喇！各位 Merry Christmas 呀！雖然畫得肉酸o左o的，小小心意喇。

當選　　編號　　姓名　　得票 1         16       李家祥   2,843 #2         13       梁繼昌   2,785 * 3         21       陳茂波   2,778 #4         15       容詠嫦   2,600 * 5         17       甄文星   2,565 *6         10       韋志堅   2,545 *7…

　又完成左一個新既任務了，展開人生既新一頁。 　儘管之前生活係一塌胡塗，但係我知道有心唔怕遲，有 waiting support，朋友 support, 屋企人 support ，同最緊要自己 support，要盡力造新既一頁，一個更好既過去… 　btw, 呢個 BBA 院長你會唔會 hea 左o的呢？點睇你似一個 BBA 院長？     p.s. updating a blog on 30th Oct, regret if u miss it. 

　各位，前面仲有無窮o既挑戰等緊我地去闖，唔可以放棄，唔好浪費時間諗而家應該點做。當你發覺自己好安逸時，就應該為自己儲定實力。當發覺自己好危急時，就要找出目標，朝住目標進發就無錯。盡全力去享受處理每一件事。 　記得第一次做野時個師傅教我做野既道理：做野唔好怕蝕底。當時師傅佢只係一個我素未謀面既人，就算以後都未必會見得番，但係師傅就好認真咁說教、分享佢做事o既經驗同心得俾我聽，我覺得有o的感動，深信佢既說話一定有佢既道理。而呢句說話亦從此成為左我做人既方針，一直都好受用。 p.s., 仲有幾日前既畢業影相未記錄低，好快就有~ haha~

　拎左畢業袍咁耐，今日番去大合照喇，但係我唔知去邊邊好，最後只得一幅大合照…點算好？   　p.s. 尾二o個張相，係 BU ACCT Grasshoppers ，上 auditing 時曾經大膽許下宏願，不久將來成立一家－－林陸梁會計師事務所。專係公司註冊處門口度搶客仔~ 我諗仲要加少少美色引誘先得~ XDDD Bless us, peers~ 

　呢幾日日日都 OT 趕 job ，晚晚成十點幾先走得，點幾兩點先有得訓。今日星期六，當然無得例外，都 OT 左成個鐘先走，但係都唔知點解做極都做唔完… 　做到咁上下就走o左，去左同 waiting 行左一陣，食左個幾難食既仙棕林，為既原來係杯野飲…ors…諗住買計數機買唔成，想買o個隻款好似停左產。行一陣都幾好呀，呢排有o的意欲買個 NDSL 玩下添。 　之後就返屋企，食完餐飯之後就到今晚既戲玉－－鳳凰山之旅，尹仔佢年年都攪個行山團，但係我次次都無去呀，見好似好耐都無行過山咁，同埋最重要係想同尹仔 and 山羊 and 班 fds 聚舊咁。點知大家仍然好忙，但係都無損失到，見到尹仔同山羊都已經非常滿足喇！ 　先去左同 MK 一間 cafe 同山羊攪生日會喎，尹仔幫佢攪架，搵我做神祕嘉賓，拎住個蛋糕嚇完全唔知我會出現既山羊一跳喎。我乜都無準備到，仲一身行山 look ，感到有o的唔好意思呀。不過 outcome 個氣氛唔錯呀，幾個男仔一齊玩到傻哂，佢地準備o左o的禮物幾有心思，haha~  　俾我地勸服之下，山羊連佢o的 group project 都放棄左，陪我地一切上山！半夜一點，齊集o係東涌警署之後，就開始上去個山腳喇。  　其實呢段行去山腳既路係可以搭車既，但係我地習慣性地都會途步行埋佢，都要行成個鐘頭既，幾晚無訓既我，成程都唔想出聲，默默地向前行。一個鐘頭後終於去到山腳，但係我已經半死喇，好眼訓，對腳勁 tired 。好想就地訓覺， haha~   　咁我當然無咁易放棄喇，話哂都係以前賤行者既成員，有返咁上下耐力。跟住隊尾一步跟一步咁，幾個鐘頭不知不覺咁就過左去喇，無驚無險，上到半山頂既一個涼亭度，呢度原來已經聚集左唔少人係度，眼太黑唔見佢地，但係耳聽到佢地講野，似乎女多過男。而我地呢 team 人，因為有o的頂唔順，我就係頂唔順既其中一個。分開左兩 team ，其中一隊行多四十五分鐘上山頂，另一隊好似我地咁，就留o係度等日出。上其實去到呢個亭既我，今晚已經足夠喇，haha~   在雲層中的我… 　呢度大風到人都吹暈，因為已經有返咁上下高，而且對住個海無遮無掩，o的凍冰冰既海風直吹上黎。我唔得喇，身子弱加上有次難忘既經驗，今次帶左老豆件羽絨上山！但係寒冷既強風徹底將我吹倒，不只我，連本來註守係度既男女都抵受唔住，半夜就落左山。我都選擇避開，不過只係將個 back pack 放係頭後面，穿起羽絨，躺在草地上，靜靜地被四周既黑幕同一望無際既星星包裹著對抗寒風。一眼望去，真係好似 Disney 阿拉丁個畫面咁，但係呢個唔係動畫黎，係真實的。慢慢我就咁訓著左。 　訓左成個鐘後，一陣冷風凍醒左我，發覺而家仲凍左一倍有多！其他朋友個個凍到攬埋一舊，仔細o的望下，先知我地而家係雲層入面，濕度極高，當然亦都加倍地凍…凍到成個人硬左。咁樣處於凍冷冷既狀態，又一個幾鐘。  　等到天光，見到個紅色圓圓既太陽，好似係我地腳下咁，天氣開始和暖，大家都慢慢恢復番知覺，周圍行下，欣賞下破撓既景色。之後就落山喇，唔明點解山羊突然間患上畏高症？喂，咁點落山呀？好彩好快佢就克服到喇。 　落到去，搭巴士去東涌，食個早餐，等花店開門之後，就歸家喇。一訓訓左六個鐘，不過當然地係唔夠喇。