終於返左黎喇~ 我返左上大陸寧波成十八日，連上自己個網站都上唔到，真係悶到想死…影左一o的行下街時既相，不過都係一支公喎，無乜開心既感覺。放三張上黎就算喇。       　尋晚 lovely waiting 去左佢公司既 annual dinner ，成個小公主咁喎！當然要留下美好既一刻喇~! haha~ 　就黎情人節，要有o的打算喇。 

　今日真係真係終於算有o的精神同埋時間留係屋企無聊下，去番好多朋友既網上日記，發覺大家都更新少了，而且寫既野無乜哂歡樂咁，不過睇番自己，未又係一樣？精神同笑容都失去了，換來既係一堆壓力。 　大家都有新年新開始時回顧過去一年發生既事。精神而家總算有些回復既我想回顧一下過去添。我係一個好無記性既人，我只係記得一些印象深刻既，我記得呢一年 waiting 長時間都陪住我，一個唔合格既男朋友，加一個唔合格既女朋友，就做得成一對合格既情侶。haha~ 一個好朋友去左流浪，o岩o岩收到佢寄黎既聖誕卡，大家麻甩佬都唔知講乜好，但係收到呢張卡真係有o的感動架喎~! haha~ 屋企唔知咩事好似轉哂形，我出黎工作後老豆就無乜野做，知道佢壓力好大，但係我可以幫o的o野手？ 突然間無哂 mood… 後續 

　無喇喇去左天津一個禮拜做 audit ，上面諗住凍冰冰死得人，所以買左好多野，呢個月睇黎又要食谷粿喇。   　星期日晚落機就去酒店，我同個女同事一人一間房，環境真係唔錯，不過落機時真係感覺到有o的寒，尤其是係個鼻。之後先知原來o個晚得負七度。跟住個四日，其實都無好似大家諗得咁開心架，因為今次係 business trip 黎架，唔可以周圍去。我地一早七點九就要o係酒店大堂集合，上公司為我地安排既私家車去個韓國客既公司度。夜晚六點正一定要出到公司門口上個客既客巴出市區，如果唔係都唔駛旨意走得出去。   　我就襯同埋個 client 其中一位女員工坐車去各家銀行攪 bank confirmation 時同佢溝通溝通，我呢o的嚇死人既普通話上到去真係好唔掂，佢地講既都帶有京腔，睇到佢地條"月利"真係捲到抽哂筋咁。我聽得五成真係好差劣，其實我已經好比心機架喇。唯獨呢位徐小姐比較好，我聽到佢有九成以上…我問佢先明白，因為佢學校普通話教得正，同埋佢講野不嬲都慢，所以可能咁，我明到佢講咩，而且佢係純正既天津人黎。   成條河結哂冰… 　留意到天津真係好多工廠，好多勁有味道既舊建築，好熱情既津門人，一o的都唔好食既狗不理飯店，我個人比較喜好平凡o的既小肥羊。 　仲有…上面做野真係飲酒飲得好瘋狂，而且飲酒係工作既一部分…話說尋晚同埋成班當地財務部員工去間不知名名店食晚飯，我重申好幾次我飲酒不行，只可以一杯啤酒而已。個山東女人一句頂過黎：「 Are you a man? 」嘩~ 真係頂你丫，山東女人果然惡……隔離o個個我一直以為係韓國人既長白山朝鮮族女仔同佢差得遠！整晚真係好開心咁過左，佢地好識攪氣氛，睇得出佢地工作真係好愉快，好開得玩笑。   　咁就番左黎香港喇，乜都無買到，不過大開眼界之餘，亦都好想學好普通話。 

  　今日要去潮陽點貨，真係唔知點解要咁遠…難以想像o既長程同埋荒蕪。個客都有我地心，provide 左架賓士車我地，我地足足坐左四個鐘頭，雖然勁舒服，但係成條深汕高速一架車都無，架車行得咁高速都唔覺佢飄，個司機都好勁，我足足訓左三次覺，但係無次訓醒都見到自己仲係高速公路上。四個鐘後終於到達鎮上，俾我發現呢個鎮唔係賣胸罩既廣告，就係性用品店…其他乜都無咁，咁集中既？  　上到個客度都夠鐘食午餐喇，個客對自己真係唔錯，佢地話專登請左個五星級大廚黎 serve 工廠既飯堂。一試果然唔唔錯架，真係好食！佢厲害既地方係可以響一些好平凡既菜整出唔同既款式出黎，好有新意架。 　食完飯之後就開始做野，我都唔明明明成間廠個個都講廣東話既，跟住我個個遍遍就唔係，咁無計喇，用盡自己既 talent 去表達，haha~ 　攪到成六點先走得人喇，個客真係好野架，佢自把自為計要 stay overnight 喎，我地乜準備都無緊係唔制喇，最後佢只係放左我地上個公巴站就鬆人，o個度都幾得人驚，成個鎮都黑、無人既。 　等左一段時間終於有架公巴黎左車我地走，上到高速，就感覺到自己好似o係飛機跑道上咁，真係無燈，周圍又乜都無，黑媽媽，出面乜都睇唔到，又好似今朝咁得一個車在高速上喎，而家仲得人驚，當時八點幾，一直望住窗前面，望到個路牌話仲有成二百七十二公里先去到深圳，sigh…. 　真係坐車都坐到暈，最終o個晚成三點先訓得… 　btw, 發現自己同埋個同事因為今次呢一役，患上腸胃炎，之後又發燒，又肚瀉…… 

  　今日係我第廿四個生日喇，又大左一年，又要成熟o的。之前俾 Fanny 話我都唔似咁後生咁，唔通我既衣著、談吐、行為出左問題？但係我幾滿意亦都享受我而家呢種生活方式喎，無乜點諗過變。 　今年我生日首先同 lovely waiting 去嘉年華二人世界一下先，好耐都無玩過呢o的灘玩遊戲喇，我既希望去哂 waiting 度，我估 waiting 又諗住我會 win 個 mickey mouse 俾佢，最終我地真係黑到死，得兩個唔係幾 like 既細公仔同埋兩支花jar~ 我地玩左碰碰車， waiting 唔知咩事只係停埋架車o係一邊俾人撞~ haha~ 玩左兩次幸福摩天輪，不過最衰要同埋o的唔識既人一齊坐，攪到無哂獨處既氣氛喎！最後仲玩埋個鬼屋，不過呢個真係無咩驚喜，可能我地日光日白去。 haha 　之後同一大班大學同學一齊食飯，我地一 pair 、秀嗡、阿飯、蕉仔同埋阿 wing 呀~~ 大家聚一聚舊，盡興而歸！ 

　終於都捱到今日喇，試又考完，不過真係唔認為呢次自己會考得到，不過無論如何，之後仲有大把機會既，haha~ 　Stay at home for the whole today. Lovely Waiting 今日同同事返大陸 stocktake ，晨咁早就出左門口喇，又好似同佢失左聯絡咁， Lovely Waiting 咁大個女都未試過番大陸，而且呢排大陸放假，治安又會差o的，好鬼好鬼擔心！快o的番落o黎喇~~~ 　聽日又大一年，成廿四歲喇！我應該為自己定下一個 aggressive o的既目標呀？定係好似而家咁繼續咁隨遇而安？ 　Waiting 好快o的做完返黎喇~!!