呢個月我既行程好緊密，下個禮拜要去一去尖沙嘴做一間公司o既 ORSO audit 。我其實一早就有少少疑問， HSBC 咁大間公司，規模咁大，KPMG 點樣可以做到 audit? 我收到份 working 時先知，原來 KPMG 會將o的零碎工作 subcontract 出去，大家分工合作，即係話而家我星期二要去我個 audit client 度做好關於 ORSO 既 audit report ，再將份野俾 KPMG 睇。打散黎做，就可以幫手 share 佢o的 profit 。 haha~
之後就會同一個同事去荃灣做一個禮拜 statutory audit ，聽講呢個間公司o的數好齊整，不過之後就要褶埋再開個一間新既公司。呢間公司原來曾經將o的業務搬哂番大陸，又搬過番落黎，香港稅局又唔知咁，佢地為免夜長夢多，決定俾錢我地賺~
Waiting 星期一就出發去江蘇 audit ，星期五先番黎，我而家就被安排去荃灣做野喎，點解咁衰架？
十九號我就 proposed 要去台灣兩個禮拜做 compliance audit ，幫間上左市既美國版權處理既公司做野。關於呢種 compliance audit ，我只係做過幾次，但係又唔係跟得足成份，未有經驗分享住。
但係 department head 同我分享時，我覺得有需要寫出黎記住。佢想比較一下同是中國人，兩岸三地做 audit 態度既分別。首先o係香港， clients 會一早俾哂佢所有有需要既資料我地，而有問題佢地多數都會盡快回答；o係大陸，clients會全部野都收埋哂，有問題要問佢地，佢地就會不停同你「溝通」，「溝通」得多耍到你頭擰擰佢自己就駛再煩，又唔駛跟進做野咁；而o係台灣，就夾o係中間，佢同樣係乜都唔會預先俾你，要你問佢一樣，佢先俾你一樣，但係有問題問佢佢地會好清楚，都會嘗試努力解釋到我地明白為止。好！我就襯呢次機會去觀察一下先。
Waiting 五號飛去江蘇九號返黎。我就十九號飛去台灣，預計復活節後返黎。好彩之間仲有十日見面， just wondering later 會唔會好似佢o的 uncle auntie 咁，相見既機會只限於o係機場候機室食一個 lunch set?
Leave a Reply