終於番左黎香港喇，去左台灣做野兩個禮拜，辛苦就真係苦苦，不過真係學左好多野，見識左好多，尤其是"拜訪"左差唔多成十間台灣最大既高科技公司，第一次見識到公司原來係可以大成咁，規模原來可以發展到咁犀利，睇左好多電腦 system……呢個 job 去台灣呢部份得益唔少。
o係每兩日踩一間公司場既情況下，我發現左一個台灣好奇怪既現象。就係無論上至 Project manager, legal specialist, MIS 專員, 各 sales department 既 manager，清一色係女仔黎既，本來我都無留意呢個情況，但係當某一日 Randy【五十幾歲既美國佬黎既，一個 technician 黎協助我地一齊做 audit 】問我幾呢隊清一色男仔 audit team ：「oh, what's the feeling today? each guy has two girls, right? hahahaha~」唔…我地得個笑字~ haha~ 話時話，唔通呢個就係 Randy 話「I love Taipei much more than Hong Kong.」既原因？ haha~
士林夜市，我最 like 係飲苦瓜汁！
除左每一日o係個客既客個公司【應該係話佢地座 building】由上午八時工作到晚上七時之外，最多時間就係o係酒店同埋餐廳。酒店我地一人一間房，環境唔錯，座落台北鬧市，近捷運雙連站，馬偕醫院附近，我地每一日搭的士【因為呢度的士真係好平…】返去都係我練普通話既一個機會：「麻煩你去民生東路一段二十八號。」呢處去士林夜市只係要兩個捷運站，相當之近！
淡水十蚊台幣雪糕，其實係融左，唔係會重高！又請留意下後面o個對男女…
講真，好似 Justin 話齋，o黎台灣真係得個食字，餐餐都食到好得人驚，個客有時請我地去食好野【陽明山溫泉餐廳－村瀨、喫茶趣(Cha for Tea) ，我地自己有時又去o的出名既鋪頭食下【好記、老董…】。 You know… 我o岩o岩上磅度下，而家體重已經過左警戒線，到左一百五十磅！
兩個禮拜裡面，都有兩日真係好似遊客咁出去行下，一日去左九份，第一次上去，本來唔知咩地方黎，當架巴士行近山頭接近山頂既時候，我真係嘩左出黎，我覺得呢個地方好 wonderful… 好似天空之城既感覺。另外一日我地去左淡水，沿住捷運淡水線去到尾站，先知道原來呢度係一個小鎮黎，一個好熱鬧好多遊人既小鎮。
P.S. 呢排傾緊換 web hosting provider ，正周圍物色緊一間好既。其實搵到一間好既，我又嫌佢貴；搵到一間平既，又嫌無咁好，點揀。而家最近留意緊 Oscar 用緊o個間 Scicube ，正查詢緊o的細節。My main concern 係佢可唔可以幫我 reserve 番個 domain name?
Leave a Reply