我已經成功係公司塑造出一個能幹、醒目、認真、有責任、快手快腳同埋謹慎既形象。Senior Accountant 同埋 Senior Manager 都已經信任我既能力。點解我敢咁講？
手頭上有一份八萬銀既 job o係我手上，senior manager 叫我入房直接 order 我做野，由頭到腳成年既 bookkeeping, auditing, tax computation (讀書係未讀過既：大家知如果一間 manufacturing com. o係大陸有廠可以用 50:50 apportionment 之外，仲可以點樣幫 client 爭取多d利益？原來可以再專登抽o的 trading profit 出黎【當然佢比重少同埋derived outside HK 架喇】，先 apportion 左 trading profit 同埋 manufacturing profit ，再將 manufacturing profit 50 50 佢！又慳一筆…) 連埋 contact 個客，行 GAAP ，計 deferred tax, 有 exchange loss, revaluate 大量 assets, 真係乜野 skills 都用哂…
其實有o的驚，因為我一個人做得o黎嘛？上手係一個做左成十年既 qualified accountant 做開既，今年交俾我做？一個做左兩個半月既 junior handle 呢個 client 係對我既信任俾機會我上位定係想玩謝我？anyway, 我對自己有信心同埋覺得幾 challenging ，我擺明車馬要以最快既時間學識哂呢間公司既 value ，我先覺得自己有料到。
唯有接受挑戰，落手落腳去做，學識野有料到，其他人就自然會服。好似我有人服有人唔服一樣，正如我當初入公司時睇人一樣，無料到既無可能可以留到兩個月，公司係我入職以黎，今日第四個無料到既人執左包袱。靠把口吹水去樓下 Lockhart 道做公關吧。
好！senior manager 叫我入房教我做野：工作上要對自己充滿自信，覺得做到既，就當仁不讓，拎表現；做唔到既，就唔好死充，仲要不停去惡補，下次就要去承擔。非工作上既野，謙虛一點一o的都無問題，率性而為就好喇，配合番自己既性格。攪到我好似有o的雙重人格…不過我又幾享受呢種生活喎。Senior Manager 好似睇穿o左我既野心咁，問我之前同佢一齊去做 compliance audit 間公司(Mixxxvision – 美國上市中)點睇？我未答佢就自己講，其實上次唔係太成功，不過仲有好多機會，仲有好多間要去。我感覺好舒服，呢度連個 department head 都尊重我既意見。不過未成功丫，我好大野心既。
實際應用起上黎，我果然節節到位，責任明顯比其他同期既同事重得多，覺得工作上好順利，表現機會亦好多。人事其實唔駛自己攪既，只要自己有料到、做到野，好評自然會從同事間流開去，同事自然會自動同你攪好關係。是是非非同我無關，我只係專心做好本份，做得好過自己既本份，上級就會覺得 surprise 。最近流傳我好似係位似 fast-tracker 呢類位置，因為漏出風聲話上級關注緊我既 performance 。不過對我無咩關係，我黎係學野，當我認為呢度已經無野俾我學，我都會走。我既老闆係學識。
工作上有呢o的少少心得，講起上黎就好似有少少霸道咁，但係呢種係信心既表現。
對於愛情上我仲係一個"小鳥依人"既程程~ XDDDD 就黎同 Lovely Waiting 兩年紀念日喇！我要籌備下先得，不過要考試，點算？ haha~
今日同 Waiting 上山頂談心去，早上返工 OverTime 時俾個女同事問我做乜唔帶眼鏡既？即刻俾 Lora 答左話佳人有約緊係要執得靚仔o的架喇，俾佢地一唱一和，耍了一頓~ haha~ 上到去又撞見 Kitty !!? 點解我地秘密拍拖去親o的新景點都會見到 Kitty 既？ haha~
Leave a Reply