Category: love

Thoughts about…

  • Wedding exhibition @ Kowloon Bay

    —

    by

    tigerlazy
    in

    今日再次同 lovely waiting 去左一次 wedding exhibition。不過今次去就真係明正言順，而且目標亦都好明確！就係要去度 budget。 會場係係九龍灣，比起上一次真係小型好多，而且人流亦都無咁多。不過某o的展商同樣地比較不禮貌，就係度所見，都係台灣同大陸既比較差。就係呢個因素就足以唔想揀佢地。係會場入面，比較有好感既係 Joseph photo, 同一o的場地 decoration 既 counters，好可惜既係見唔到去關島影相既報價灘位，不過我翻到屋企上網都做到資料搜集，有一o的 airline holiday 有提供呢種 tour比專去影pre-wedding 相既 couple，所以都唔係幾大問題。但係最大問題係 lovely waiting ban 左我話 ceremony 要用鮮花呢個提議囉！咁我諗住要係草地攪 ceremony ，無鮮花點做到有味有畫有聲呢種感覺呢。 翻到屋企再 update 埋個 budget，send 埋俾 lovely waiting 參考，之前話唔駛 $80萬做準備，但係我諗唔到可以邊度 save 到o的錢出黎喇……

  • Cake card

    —

    by

    tigerlazy
    in

    星期六芳姨主動打電話俾屋企話可以訂餅卡，我地預先訂左二百打。芳姨真係好幫手。

  • Disneyland

    —

    by

    tigerlazy
    in

    同lovely waiting相量婚禮個形式都度左成個月，可以講一直都搵唔到一個共識出黎，直至當我上網搵到disney wedding ceremony既information之後，我都心中有數。disneyland應該係最好既選擇。登記左資料，聯絡上Rosanna，約左18號參觀。可惜今日都未可以預約住，仲未可以confirm our booking。所以到今日為止，我地既計劃係： 廿號：中式婚禮，早上同中午做中式儀式，晚上親戚至友到比較好一點同埋地點理想既中菜廳婚宴 廿一號：我地既拍拖記念日，到disneyland做註冊；點樣justify呢個地點？因為我喺迪恩湖求婚，而呢個婚禮就會邀請至親好友出席，預計黃昏前完禮。如果萬一，屯門黃金海岸就係buffer。 但係我仲有一場龍鳳係鄉下做，同埋安排蜜月，好多野要預備。希望一切順利。

  • West Kowloon 4 little dragons

    —

    by

    tigerlazy
    in

    今日同 lovely waiting 去左西九四小龍睇樓，總共睇左四個單位同埋留意多一個單位，總結黎講，都係宇晴軒果一個最好。不過如果價錢可以更好相與既話就最好。以為自己有中產既收入，不過經濟課預測人最厲害，支出真係更多。現階段唯有等lovely waiting姑姐指點迷津，同埋回家做好第一階段既八十個計劃。 當初點解會除左東涌，又考慮西九小龍？一係＂汝程＂軒；二就係透過陸先生講李老師話西九、奧運先買。點解李老師要信？只係因為佢一句話：「我一個女人仔，讀翻書llb可以first honour, 你有乜野唔得?」佢都係我偶像。

  • Ka Ling’s wedding

    —

    by

    tigerlazy
    in

    今日去左嘉玲個 wedding, 雖然係係大埔遠左o的，不過同左幾個都攪緊結婚既莊友商量左好多意見。返到屋企即刻 update 左個 schedule ，攪到三點鐘，終於度好個 budget 。不過個 budget 都好 preliminary 下，最重要係要黎 compromise 跟住唔好轉黎轉去o的 planning 。要多多享受攪結婚既過程，呢個都係對自己對 waiting 既承諾黎既。

  • Guests to be invited

    Guests to be invited

    —

    by

    tigerlazy
    in

    終於，係定好個日子同埋夜晚親戚圍數之後，我地開始計劃一下會請幾多朋友同埋同事去下午個個 cocktail 。所選既全部都係我地共同同埋各自相熟既朋友。無計，我地都希望 share 我地既 happiness 俾我既最好既同事朋友，不過當然無在列既唔係我無地無當你係朋友喇， you know… 我地 budget 有限，而且唔想咁高調…… 參觀了八月居個場地，好一般•••

  • My proposal

    —

    by

    tigerlazy
    in

    我成功左喇！ Waiting 肯嫁俾我！

  • Planning?

    —

    by

    tigerlazy
    in , ,

    而家o係新部門度做o野，過住o的 regular o既工作時間，所以有多餘o既時間我都會去o左九樓個休息間度睇o下報紙咁。信報、經濟日報、明報一一都會去望o下。有時候見到一o的好 informative o既資訊時【例如我最近非常關心o既係買樓、股市消息、法津會計等等o既範疇】，好想摘錄落o黎for later information 卻苦無對策。一o黎無可能剪o左公用o既報紙，咁其他人就無得睇；二o黎無可能o下o下走去影印，咁影完又要搵地方整理，同埋咁樣一張紙第時都唔慌會拎番出o黎睇。 結果俾我搵到辦法。最近係 iPhone 度買o左個 TurboScan 呢個 App ，可以利用 iPhone 個影相功能加埋個 program 演變成一部流動 scanner ，影完相只需兩三下 button，佢就會自動修位同埋較好 high contrast 令字體清晰同埋減少變形咁。然之後可以直接轉做 pdf 再 send email 出去。配合埋 Evernote 呢個多方位整合文件整理系統，而家我真係資訊爆棚。 haha~ 一切都好簡單方便，又達到目的唔浪費時間。 Everything is planned 、 無乜 surprise 做人先至可以更安心同埋平和。上次去上海遊世博，我同上司同事講我太匆忙所以無乜度過行程，引o黎佢地幾大o既反應，話我完全唔似無 planning 。我凡事都想做到有 planning ，就我工作檯面同埋平時交上o既 delivables ，好易會俾其他人見到時認為我做事好有 planning ，呢點我都覺得自己做得幾好。但係本身做人做事 execution 能力麻麻，就算有幾好o既 planning 都好，事情最後都未必辦得成功；相反 lovely waiting…

  • First trip with Waiting

    —

    by

    tigerlazy
    in ,

    　終於係東京返黎喇！之後一直都因為好多原因兩個人去唔成旅行，今次總算同 Waiting 去第一次o既旅行。哈哈，玩得真係好開心之餘亦都 relax 哂。 　呢個團其實係一個刻苦團o黎，唔單止係鴨仔咁簡單。理由係個團要零晨去，晚機返，係真真正正o既早機晚返。 Harsh 到你估唔到，不過呢個團係我揀o既，要 waiting 陪我捱！ haha~ 但係老實講，試過一次之後，對東瀛遊印象非常差，我諗都唔會有第二次再 join 佢團。由報名，導遊、團員、用餐我覺得都唔合格。下次有機會，我一定會俾多少少錢要求一個服務好o的o既。 　不過今次旅程係我第一次試露天溫泉、去澡堂集體沖涼，同埋去東京迪士尼。一定要提o下呢個 Disneyland, 同香港o個個真係無得比，之但係人地成廿五年緊係唔同o的喇。俾o的時間香港 Disney 慢慢就會好。 　又問waiting o的親戚借o左兩支鏡頭去旅行，用過貴鏡先知道原來咁正。不過阿媽同 waiting 都指點過我，要提醒自己要買車買樓o架！儲錢呀！ 　返到o黎就要開始溫書，唔好玩創哂個心先得。加油奮鬥。

  • Christmas 2007 is cooooming!

    —

    by

    tigerlazy
    in

    　今年我同 Lovely Waiting 因為工作既關係唔可以一齊渡過聖誕同埋我既生日喇，所以早排我地提早去左影我地既聖誕相，每一年都影既海港城對出o既裝飾。 　Lovely Waiting 下個禮拜就去北京一個月做野，而家就被安排緊接住去南京做個幾月野，呢鋪真係天南地北喇……我希望可以趕得切返到香港過年喇。不過我而家又係一個 JunJun, 邊度到我話事幾時返。不過 Waiting 就慘，北方咁凍又趕唔切去佢姑姐個婚禮。不過最慘係我，我今年生日無得要 Waiting 陪我呀。好苦命呢。不過做o野係緊要o的o既！ 　而家到處收緊料到期時我地可以點樣聯繫，準備o左好幾個方案。  一：用我地既電話台 3 既長途電話服務，聽同事講佢地有 promote 一種 service 用超平價俾幾個月月費傾長途咁，未問詳情。 二：用 Skype 裝落我地個 PDA phone 度，跟住用 whatever 既 access method  連上 internet ，happy 又唔駛錢咁無限傾長途電話。不過呢個仲未試。 　睇o黎以後仲有大把機會遇到呢o的問題，一定要研究好最正o既方法。