Category: love

　女朋友唔開心，做男朋友既好似乜都做唔到，感覺有o的空虛。 　同同事聚餐時，都無乜心機，沒精打采。 　無乜野辦法，做好自己既本份，朝住自己目標努力前進，仲有好多個目標要做到。而家一切都只係開始。 　終於跟住 Oscar 既建議將所有 wordpress 更新，但係有些 plugin 部份太複雜，需要大量既時間去調整，唯有逐步逐步黎。而家整體黎講都唔錯呀，其實唔講唔知，我呢個網站仲未整好…好多個部份都未開通，整好呢個網站都係我既其中一個目標黎，一切都只係開始…

　今年我再次同 lovely waiting and her sister 去維園行花市呀~ 鑒於今年我同 lovely waiting 都已經上班既關係，我地做左一個錯誤既決定，就係揀左年三十晚星期六去左維園。其實我地行花市係為左迫一迫同埋睇下有無o的新奇得意o既賀年紀念品買番屋企咁。但係因為非常多人既關係，我地就咁迫左幾個鐘，都無乜野留意到就要打道回府喇。不過我都有o的收穫，買左個「包有喜事」番屋企，而家掛左係張書台度。我仲成功講左幾蚊價添。 　新o既一年祝大家豬年暢旺，豬籠入水！

  　今年情人節，有別於以往，就係我地都只係得番一個夜晚慶祝。為左重拾我細心既一面，又要向自己有少少挑戰，今次就送個蛋糕俾 lovely waiting 。一開始就整個最入門級既 Blueberry Cheesecake 。我自己試整既時候係幾成功架，不過到整俾 waiting o個個好似魚膠粉水重手左，攪到成個 cake 要咬先食到。 haha~ 不過我無放棄架，好似有少少興趣，睇o黎我整蛋糕比起o個陣時彈琴吹口琴更容易打動到 waiting 。咁以後就隨住呢個 strong demand 努力喇。   　除左個蛋糕，仲有情侶 ipod nano ，用落去又真係唔錯喎！ Lovely waiting 送左隻錶俾我，好靚好型架！而家我差唔多全身既裝備都係 waiting o既禮物咁濟~ haha~ 　之後我地去左我地都好鐘意食既大八日本料理食日本放題，再一次感受到飽到嘔既感覺。不過 waiting 你唔好再嘔喇！ haha~

　今日又溫馨又快活，好耐無試過咁 relax 去玩喇。 　我本來同 waiting 約好o左日子今日去玩，但係我o地o既決定徘徊係去長洲好定係去迪士尼好，因為好似無耐之前先去完迪士尼，所以就諗住去長洲玩喇。我都做o左少少 research 長洲有乜好玩，但係到朝早上到車見到前面個男人睇o個份報紙，俾我留意到迪士尼做緊個 Halloween Ad. 喎，就心諗 waiting 應該幾想去o架喇…   　見到 waiting 我試探性地一問，waiting 果然心繫迪士尼，haha~ 我地就即刻轉向搭車出發去迪士尼喇。因為我地無預過會去，所以我地無夾到時間、又無買定票、 waiting 又無準備到佢o的出門幾寶添！但係好彩今日有少少天陰。  　而o係車上面就夾好，今日o既重點係影 Disney Friends o既一系列 Halloween 裝扮相同埋買 Halloween 紀念品呀！一入到去見到吸血彊屍裝扮o既 Mickey Mouse ， Waiting 就成個彈彈下咁……(一.一) 又唔見佢見到我彈彈下喎…haha~   　睇 米奇幻想曲 show 時唱到 "…for you and me…" 時睇到我眼濕濕，o的歌真係好鬼好聽o架。 　又玩巴斯光年星際歷險， waiting 就弱o左少少，得 39xx 分，我成 99xxx 分，成廿八倍。無問題無問題，開槍打怪獸就等我o黎保護你喇，拎起筆 waiting 先勁好多o架嘛~ haha~…

LawGG & friends  　今日係我同 Lovely Waiting o既兩週年拍拖紀念日o黎喇，但係因為要考 QP ，睇黎可以一聚既機會好微，所以用呢張相做住兩週年拍拖紀念日既合照見證先喇。

今日送完 waiting 返屋企搭車，因為唔想訓，想全程保障自己。不過就係度不停諗野…  我大膽咁諗如果我遇上危險，只得一個電話機會，我會打給誰？我心裡唔駛諗其實一早就知係 waiting ，因為我最希望 waiting 關心我，但係…我會唔會到頭黎遇上一個 missed call？咁就無左呢個機會？我或者應該第一時間打電話返屋企，佢地任何時間都會聽到我個電話。 我意識到要停止諗埋o的無謂o野時，巴士就突然間停一停，轉左去中線慢慢咁向上爬。 我靠窗坐見到一堆爛銅廢鐵霸住了條慢線，一堆爛銅廢鐵夾雜住拋左出黎既可愛公仔 cushion ，係一架翻轉左既私家車黎，車頭已經唔見左喇，車上既玻璃全碎了，地面有d濕滑，路旁見到一個男人蹲著抽住香菸望住自己堆廢鐵。 睇到咁多野，但係見唔到車龍，見唔到警察，見唔到任何消防及護理人員。消防有三分鐘到達現場既能力，咁樣呢舊廢鐵咪就係幾分鐘前先”造”出黎既？ 我心慌了，全身都豎起了毛孔，仲怯怯地。無想到剛才一”想’，而家咁快就一”見”…唔，不由得我不慌的，我親身了解過呢個農曆七月，一個禮拜就會遲大到一次，大塞車上哂報，日日都會某段路塞一塞車。大家意味到就算喇。 返到屋企，俾阿媽話我等我食飯又唔打電話返屋企，仲食唔食？唔食咁我倒哂佢。唔，我忘記了同屋企講我會遲o的返。我有o的內咎，個心究竟係未要公平o的呢？不停想要人關心，但係就冷待了關心自己既人。 累了，又想多了，各位都早點睡吧~

　今日係我o地o既一年零十一個月紀念日呀，一齊約o左o係銅鑼灣行o左陣就去食呢間 Vietnam 餐廳。話說我放工急急腳走人，唔知 rice paper 銅鑼灣地址係邊喎，又唔記得臨走前上網查查，去到銅鑼灣世貿中心撲左一輪都無計，就去o左 starbuck join 埋 lovely waiting 先喇。正o係我苦惱之際，一抬頭就見到 rice paper 個 logo o係世貿中心入面電梯o既右手邊，o個一刻心裡面只有一句諺語：「踏破鐵腳無覓處，得來全不費功夫。」 　Join o左 waiting 行o左一陣新開個個商場之後，我o地就去食o野喇！ 　好好食呀！真係 Good~ Waiting 叫o左兩個，我叫o左一個。分別係：香檸茄子蓉牛肉椰香飯【 coconut rice with chopped beef eggplant pickle and lime 】、椰香紅咖哩燴鴨【 slow cooked duck in coconut red curry, smoked peppers, potato, lychee and lime leaf 】，仲有一個唔記得o左全名~ 叫住牛油果軟腳蟹米紙先喇。haha~ waiting 幫我諗埋佢~ 去 rice…

人參壽星公 　今日同 Lovely Waiting 同埋 Waiting 細妹去o左美食展，試食o既唔係好多，不過都有唔少收穫。haha~ 有時收穫既野都有 intangible o既~ 買o左好多月餅，同個姨姨夾份買，好似平o左，又好似蝕底o左，唔知道添。 　之後就去o左樓上既醫護展睇下，好 tired 呀，又多人。只係行o左門口一陣就走lu ，食o左個下午茶我地就打道回府喇。