Category: daily living

  　之前一直都好努力做o野，諗住今日可以做多半日o野之後就 hea 埋個下午再去 annual dinner。呢個 annual dinner 我諗都算係咁多個裡面最頹廢之一喇，個個人都 causal wear ，只係請左個張智林黎唱祝君好。o的禮物先差勁，最貴o既只係 philips 42 寸電視機，好似人地春茗咁，其實每個 partner 俾少少出o黎都夾到大大份禮物喇。 　不過我都唔幸呢d野既，志在感受下個氣氛，感覺到個個好似大細路咁，haha~  Koachim 皮褸型呀， Kj 好多女 fans 影相， haha~ 有香檳飲，有甜品食，仲想點？俾 Alan 話我點解唔出大機？ haha ，現場咁黑，我又無閃光燈，影出黎都唔夠 Canon S80 DC 仔靚喇~  　最後等左成幾個字車成兩三點先可以番到屋企… 好喇，正式踏入 study leave 要開始努力溫書喇！

　都辭o左職成半年喇，尋晚訓覺居然仲夢見舊公司個 manager ，係夢中一開始就俾佢鬧我做人唔可以咁樣架，你唔可以咁樣對公司架喎。【我講o左個大話而辭職，我講大話就會內咎。】你幾時返o黎幫我手？我而家手上面仲有幾個 jobs ，你返o黎幫我跟一兩個喇！ 　同樣o既 situations o係我之前返工遇到個無數次，有o的似 command 咁o既要求幫忙模式，我真係一o的計都無，讓步o左一次又一次。我o係夢中終於有勇氣咁講：「唔好意思呀…我返緊新工喇。幫唔到你手！」 　隨即個夢就完o左，不過點解我仲會夢到佢，一切都似o黎得自然而真實，唔通佢之前對我o既欺壓太大？好得人驚，快快快快從我腦中消失。 　好似 CK 本書咁話，之前做過一兩次工o既話，就會同之前間公司比較。我比較之下，真係無論而家幾辛苦，我都覺好 enjoyable 同埋 comfortable 囉…

  　最近睇左好多文章同書咁，透過呢o的去思考更多日常忽略o左o既事情。有時真係唔想成日諗住點樣去搵多錢買樓買車、買股票、分析市場咁【雖然我日日都有咁做，好想盡快達到自己既目標】，成個人銅臭化哂之餘，仲攪到自己好急進。日頭返工已經成日望住o的 dollar sign ，無理由自己得閒休息o既時候都俾咁大壓力自己諗計去增加財富o架嘛。 　睇左三o野好想係度分享下咁。 　有留意開呢度o既話會見到右下角有個連結連去張五常個 blog 度，我每隔一排就會去掃佢一堆文章。呢個人睇佢o的文就知佢好鬼自大，或者話非常有自信。但係咁樣反而有種吸引力，愈睇愈想知佢究竟係咩o野去支持到佢呢份自信，我o既問題未答到，反而慢慢佩服o左佢。佢沉醉於佢o既經濟領域裡面，自成一格。覺得佢好鬼型~ haha~ 就諗諗自己，係未可以自己都創造一個領域，型一型呢？如果真係咁，選擇呢個會計 profession 度做型人…？ 都係比心機考埋個牌先把喇。 　睇最新一期 HKICPA o個本 A-Plus, 睇 cover 見到 Susanna Li 呢個名。腦海中即刻浮現o左某一日 Susanna 打個電話o黎問候我，話佢而家o岩o岩o係浸大上完堂，記得我浸大畢業咁。諗到咁上下，就即刻揭去 index page ，見到 Susanna 張相，再揭內頁。標題話佢終於合格做到專業會計師。o個一刻相當感動之餘仲非常之振奮，是關佢可以話係我第一個 audit o既師傅。我 Year 2 時經 YMCA interview 去左 Chan & Wat 度做 audit internship ，足足跟住佢學o野學o左三個幾月。感動係因為我 last day 佢用佢既經驗講左個故仔黎鼓勵我，我而家諗番佢對我o既影響真係好大。振奮係因為我又見到一個活生生出人頭地o既例子，我‧都可以。 further: http://www.hkicpa.org.hk/APLUS.php pre.: https://tigerlazy.net/blog/2005/08/13/灰？no grey again/…

  　我終於番黎喇……其實我唔係去左好遠既地方，只係我o岩o岩渡過左我係新公司既 audit peak season 。期間真係唔講得少，日日番到屋企真係行屍走肉咁，真係會完全唔想對住部電腦，番到屋企坐一排就要去訓覺。同埋非常渴望搵女朋友行街街，或者搵朋友 gathering 咁。哈哈~ 　其實而家個 peak season 仲未完呢， normally 就係到四至五月既，不過我睇黎無咁好彩，一年十二個月都咁 peak 架喇。回想番一月南京大風雪後回歸過年，同埋過完年日日返中環做野做到嘔之後，都好似無咩特別。日日都係返工對住部電腦。同埋，我終於開始左我既學車課程！ Yeah~~! 　其實關於而家既生活，我有好多好多野要分享。 haha~ 但係我選擇分開每日寫o的先。同埋呢排成日想寫o的好似以前咁關於 waiting 既誇張 post ，不過而家又好怕肉麻。 haha~

　過完2008既生日之後又要開始柯跌眼訓到爆既生活喇。第一日返工真係好眼訓，又凍，超唔掂… Peak Season 又就黎到，點頂？仲有一兩個禮拜就要去南京喇。 　襯仲有少少時間， meet  多o的 friends 先得。暫時 gathering 左既有 ACIS 莊員喇, 大學同學喇, 公司 Orientation 同事喇, 黎緊要攪 草猛 gathering, 同埋 plan 緊中學同學聚會。 yeah~ 真係唔想悶到無朋友。 haha~

　之前因為要考試，所以連聖誕節都無得慶祝，更加唔好話整張聖誕卡出黎祝大家聖誕快樂，不過好彩仲有個元旦黎緊補返數！各位新年快樂呀，新既一年事事如意，同埋身體健康。  　Lovely Waiting 去左北京有一個禮拜喇，佢而家係上面好似受緊軍訓咁，無啖好食，又無覺好訓，最慘係凍到變雪條【佢自己形容】。點算？仲要捱多幾個禮拜呀！ My poor Waiting! 　o個邊箱慘無人道，呢邊箱我公司無端端要我放埋o的 annual leave ，攪到我呢幾日一支公放假放到一月一號，一月二號先返得工。無所事事，又寂寂寞寞咁，你話攪乜好？不過呢兩日都要去 body check ，一個係 AIA 加保單要我去驗一次身，另外一個公司我一早安排左 annual body check，係咁不停俾佢地抽我o的血走去驗……我仲有幾多血俾佢地抽……？

Partner Irene 請我地食 buffet  　溫溫下書感到好無聊，我覺得我o既生活裡面，其實係佔生活大部份既 audit 工作上，好似得數字同埋文字咁，係未攪到我左右腦發展唔平衡，埋沒o左我日常生活中左右手並用o既天份【其實我唔知有無關係, haha】。 　當我消化完第一本 Popular Photography and Imaging 之後，感覺到右腦好似 colourful o左好多，再睇番o的 CLP ，感覺完全唔同哂。之後我先發覺，要將自己個右腦滿足o左之後，左腦先可以慢慢活起o黎。 　睇 CLP o既時候，出現o左好多圖片係腦海裡面做插圖，一幅一幅咁攪到成段文當堂睇落好鬼順眼！ 　Popular Photography and Imaging, what a great magazine! 攪到我好想整部 Nikon D80 用o黎影相， Landscape, food, my lovely waiting, would be all sharp and beauty! 呢本o野帶o黎好多 great ideas and imaginative photos ，睇完真係好鬼滿足同開心，同本土o個o的真係差得遠。 其實講o左咁多野…可能只係我唔想睇 CLP 。

　今日再次同公司其他 Department 打Basketball League, 今次既對手係 dept 4 ，佢地出名快攻。 　我地諗好哂對策，而且 outcome 亦達到目標，不過就衰自己，首先我就無氣無力咁，隊友狀態都似乎麻麻。 　公司請o左o的專業既球證黎睇住我地場波，最抵死既係 Anthony 坐係佢地隔黎等換人時聽到佢地話：「又無氣，又唔準。依？呢個好o的喇！【講緊 Gary Li】唉，又唔入……」 　佢既評語可以總括哂我地今晚既表現！ haha~

補寫十月一日  　今日我地再次又 Disney 喇， Hong Kong Disneyland 就黎俾我地行到爛哂喇，哈哈。今次係為左佢新既 Halloween 節目而入場既，今次比上次真係準備多左好多， Halloween 氣氛濃厚呀！ 　從今天起我都愛上 Mickey Mouse 喇，佢真係好鬼鬼馬o既o即~ 非常識做！ wahahaha~