Category: daily living
Thoughts about…
-
Last B-trip for UHY HK
距離 last day 仲有 4 日 今日返公司都無乜做到野，只係準備下之後幾日要去台灣既工作。同埋買左 Huspy Kreme 既 Doughnuts 派俾同事食。當我派俾 partner 食時，partner 當然問下我幾時 last day 喇，又問我去得多邊到做野，仲問我「普通話講得怎麼樣」，我就回應返句「還可以吧」。haha~ 無錯呢，呢一年，自己最大既得著，亦都係 Fanny 適心既安排，自己既普通話確實講得好左好多，雖然仲差好遠好遠先達標。 之後一放工就 join 埋 lovely waiting 同 uni-mates gathering 。點下人頭先，有 Wing 同埋佢 bf Adrian, 蕉仔, 秀嗡, 阿飯, Tina, 同埋我同 waiting. 大家約左係 CWB Outback 食野，蕉仔整左支青島啤酒，支持國貨。秀嗡就問我入黎我間 firm 點樣？我話我咁o岩 quit 左，haha，阿飯, Tina, waiting 係咁講係咁講， Wing and Adrian…
-
Nearly the end of working at UHY
距離 last day 第七日 本來今日係短週黎，但係因為黎緊o個個 week 要做去埋個台灣 trip 先可以 last day ，結果今日 manager 話要我地返去開個 briefing ，我地一行五人，三個今日短週，一個請左假，一個好想請假，結果返到去個個都無乜 mood 做野。 Lovely Waiting 都感嘆話，點解人辭職你辭職，你一個月通知仲要開 OT ，仲要去 trip 架？佢講得都唔錯，不過我覺得就算辭左職，一場主僕，唔可以話走左去就走左去架嘛，我o個一刻都仲係中天華正既員工黎架，幫得都要幫架……睇黎又一次意見 不合。 呢個 weekend ，諗住去迪士尼，又諗住去海洋公園、大澳、Megabox、又一城、APM，結果…一切攪定之後決定去銅鑼灣阿貓地灘，點知去到先知閉門大吉。喂，好黑呀！！
-
Going to PRC’s village of concubine
距離 Last day 第八日 今日真係無厘頭收到 call 話要上大陸深圳布吉做野，做邊公司都未知，上網搵下資料，剩係知布吉鎮係一條二奶村，haha。呢鋪真係烏下烏下，八點四十五分正坐定定o係羅湖口岸茶餐 廳食個餐蛋公仔麵，順手叫左杯唔錯既凍檸茶，結果等到十點十一點都仲未上到個 licensee 安排既七人車，個司機連深圳香格里拉酒店都唔知係邊，更惶論佢會知道邊到係交通樓。電話都就黎爆既時候先知個司機去左皇崗口岸，你話佢係未玩野？ 做到成四點幾，要執野返灣仔公司，原以為唔會再有機會返公司，無端端又返到黎。不過得一個小時就放工。呢一個小時做左乜野…？整理左小小 notes ，填埋d 返大陸既 disbursement 同埋 time sheet ，再去樓下三樓參加 partner 埋生日會，返返十二樓食左公司送既下午茶，收工！ 今日 lovely waiting 個姑姐請佢兩姐妹去尖沙嘴 Cova 食 dinner ，我受到邀請架。不過尋晚訓得四五個鐘，又一陣鄉下徐同埋惡頂既汗味…都係透過 waiting 婉拒姑姐既好意喇。 p.s. 今日同事話我每次同 waiting 通電話【佢地稱呼呢個叫報到】時，都感覺到我好似我就黎要結婚咁，係咩？ XDDDDDD Waiting 話叫我恨下先。
-
QP FM…
今日放 QP 成績， FM 咁就死o左。我永遠都係o係人地個個都覺得易o既 subject 上面觸礁o既，所以知我o既人…總會發現我總係神經緊張咁，因為我永遠都係衰o係呢o的情況上面…… 番到屋企溫書，裝o左個 e-book 版o既 HKICPA Member Handbook ，會自動上網自己 update o的 standard 架喎！非常之有用。之後一路溫書一路 web surfing ，無端端睇到奇女子狄娜o既生平同埋佢當年明報o既電子版專訪。睇大國崛起時見過佢o既風範，詞峰好銳利。引起我o既興趣去睇呢個專訪，睇得出佢係一個自 信心爆棚o既人，好有自己o既一套，佢話自己係一個實幹型o既理想主義者，一個好有型同埋inspiring o既 term ，哈哈~ 就咁俾佢個 character 吸引住。因為我所缺o既就係佢呢種利害。 佢話自己當年同泰國總理細佬行得好埋，見盡d高官同埋政要，講軍政、講經濟，對方個個以為佢只係一個無知細路女，但係佢 就話全部都睇哂入眼裡面，冷眼旁觀。所以話呢，認同o既我早排慢慢植入o左一種理念就係話：唔係講要攀龍附鳳，但真係要接近o的上面o既人，見得多，聽得 多，明得多，自己個世界觀先會變大…先會知道自己條路應該點行，慢慢度出點樣先行得最 efficient 。 炒o左個考試，無 ruin 到自己個 planning o既， 只係 delay o左o即。 Keep on going. Dennis Leung! Never give up.
-
Wealth Accumulation
今日不約而同地有幾位朋友講過關於儲錢有成績o既o野… 首先 Lunch o既時候同埋一齊入職同一間公司既大學同學食飯，言談間講到當初一齊入o黎o既其中一位同事，有次有意無意之間自爆自己呢一年內儲左成廿萬o既現金，問個上司買唔買匯豐好。 首先唔理佢真定假好【講真…我信佢有，因為知佢無乜駛費】，大家同時一齊入黎做野…點解佢儲到錢，我仲係得個少少…？係佢得定我差呀…講真真係係時候要認真檢討下自己。 又九點幾臨放工時，朋友話佢前女友【應該同我同年】，做左兩年野，就儲左成十幾萬…而家獨力入左手開始供樓咁話。嘩…係真 唔係呀？開始供樓…一個係o係我四年後先安排好既計劃，聽到後都唔好話唔令人沮喪，大家一齊起步，居然人地咁快理想達到…【話時話… Lovely Waiting 都已經係一個小富婆喇…】 自己一直有個好似織田信長咁崇高而又看似不可能o既夢想，而呢一年間都努力緊咁去 achieve it ，錢途又未有前途都未有，但係而家睇睇下個儲財成績表，好似無其他人咁標青喎…自己有無定錯方向行錯路架…？ 繼續守住做 long term investment 定放棄左佢好？
-
Using Office 2007 to create blog?
嘩，頭先諗住開個 office 2007 個 words 做o的o野，想開個新檔案時發覺而多左個 icon ，按左落去先知原來而家已經可以用 MS office o黎寫 Blog 直接 submit 上server ，MS 真係乜都俾佢玩哂喇。 呢排做野做得非常唔開心，可能只係自己做衰左自己個 reputation ，又或者呢排無咩 motivation 去做o野。Whatever it is, 工作就要 professional ，俾o的熱情落去o的工作度。唔好俾班同事睇死你做唔到o野。帶定個眼鏡，睇清楚我既能力係邊度喇……
-
Super HOT, hate it.
大家日日通勤中既朋友，有無發覺呢排成街都係壞車？當我今朝又試遲到十數分鐘先去到灣仔o既時候，就諗係未呢排太熱，連架車都頂唔順，中途壞左？如果係條高速公路壞車，要落車指揮或者等救援時，企o係俾o的熱到可以煎雞蛋既馬路上，蒸溶埋都似……呢排日日都好似山長水遠咁周圍去，真係好怕熱。好似今日返屋企時o個o架巴士，雖然已經無乜冷氣，一路坐一路出汗，仲傳來陣陣燒焦左既氣味，不過咁都無壞到車，唔駛中途換車，算係真係好好彩喇…… 可惜今晚太夜返屋企，食唔成上海野！ 突然間腦海傳黎深圳既福田區、鹽田區、台北內湖區、天津狗不理咁，腦中資料散亂，神智不清，睇黎我就黎痴線喇~~~
