Category: work

　今日返左大陸 TCL 總部做左一天野，先發現點解深圳人原來已經咁普遍用普通話！唉…弊喇，而家過左河講野就口震震，不過就算口震震，我都好勇敢咁講，雖然自己唔知自己講咩之餘，亦都唔理對方聽唔聽得明。haha~ 大家諗起以前套港產片雞同鴨講就知我今日點用"普通話"同 TCL 班人吵架~ XDDDD 講到佢不明白我在說甚麼時，佢就要思索下，呢一刻我就一"龍"嘴上，叉住佢地把口！ 　成功地要求 client 合作之後，我同採購部既經理一齊去銷售部睇 BOM Bill Of Material (Ref: stands4.com) ，十一樓負責操控電腦帶著幾分清純既姐姐：「依~~找不到的？沒理由的…」我: shit…她又再：「不是嘛~」<–每個字慢半拍，半隻字高一個音！我心諗：把聲駛唔駛咁溫柔呀…拎住個 mouse 隻手指尾都橋起？不用吧…？唔掂唔掂，拿拿聲抽三十個 sample 就落番十樓好過喇，寒到打震，都唔知點解佢附近o的男同事點解無結冰既。過左深圳河，彷彿成個世界唔同哂… 　點知有o的 sample 抽唔到就同個 manager 去十樓另一個 system check ，又見到另一位姐仔……sigh……好唔習慣呢種 working environment ，都係香港 office 好，男男女女都係咁 "man" ！ haha~ 呢度做野，點講呢，感覺係d女仔個個都懶係好清純，但係就奇怪而家已經無乜鄉土味o架喎！個個都好似嬌小柔弱咁既，連我呢o的性格偏中性既人都感覺到，明顯覺得香港o既女仔真係"與別不同"。如果某朋友上去做野，一定會好 enjoy ~ XDD anyway, 今天見到既真係上面o個層o個個溫柔，下面o個個可愛？ XDDDDDDD 拿~~~ 我名草有主，而且虛不受補，只係up下野，表達下意見咁jar~

　呢期又就黎考試，我覺得最難既 Financial Reporting 果然無令我失望呀，收到第三個 workshop 後既電話之後成個人醒左一醒。係喎，我咁驚佢，邊有可能可以面對佢？ 　因此今日上之前報左o個科雞精班時特別醒神，好留心咁聽佢講野，我上堂學既根本唔係佢教既內容，內容駛鬼你教，三個鐘邊有可以學得熟學得精，呢o的o野只有靠自己。我想知道佢係點對待呢行既知識，佢點樣去運用呢種知識，可以點樣表達出一課關於會計書裡面既知識出黎。仔細觀察之後果然有所得著。 背後十年功，台上就一分鐘；見到佢身裁走樣、目光無神、皮膚粗糙就知學會計不可急於近利，慢慢學先會有所成，想快就唯有捱夜，時間一定要花！雖知要學識 depreciation 既 concept ，以為好似 division of labour, biodivisity 咁容易圖像化咁去理解嗎？ 雖然細節之下表現出佢之前捱得好辛苦，但係就明顯見到佢而家係好自負咁對住我地：「你睇我幾勁！咁都識，你地唔係唔識嘛？」呢種感覺除左係呢位小姐俾我感受到之外， Stella 、多位 QP facilitators 都令我領教過。我覺得你串得好，學會計既人做野、計數、講野、表達真係快到不得了，最討厭就係 explain 同 disclose ，一 explain 同 disclose 就意味住有排做， We HATE it! 今日佢串串地，但係我又幾受喎，鬼叫人地落左咁多苦功落去，你就優優閒閒走去玩 Football Manager 2007 、仲 update 埋去 Version 7.01 添；人地對住 d consolidation 玩到出神入化時，隻 game 就提我話 It's time to change your underwear;…

　算喇，大家都忙。嘻嘻哈哈又一日~ haha~ 　過埋禮拜六，寫番兩日既日記先！ 　星期一同番班莊員同埋大學同學一齊去影畢業相，好想重拾番大學既生活呀…而家… 　無無聊聊咁，原來我畢左業幾個月架喇？日日o係度 audit ，容乜易十年話咁快就過左去架？今日見到一個男人係美心，想起好多憾恨事，又不停想像佢悲哀既一生。灰極… 　有無可能…用三年時間儲夠錢讀書…？陪我出左呢兩個禮拜 job 既 senior 都講得有o的o岩，出到去讀書，都係要靠屋企先得架喇。但係我屋企家下已經無可能俾到我。所有雜費、食費、車費、衣裝費、家用、考試費、上堂費都係自己既時候，仲邊有多餘錢拎到出黎儲？達到自己個目標？ 　Anyway, 對自己有信心，有部署，我相信自己會做得到既！成功只會留俾有準備有信心既人。我係一個好小心、愛準備既人；加o的 confidence 呢類 ingredient 就夠架喇。 …to be continued

　今日去左愉景灣出 Job，第一次入到去呢度，感覺好新鮮呀。 　個人覺得呢度一o的都唔似香港，入面全部都係外國人咁，周圍o的設施佈置都好歐式既。最令我感到特別既地方係呢處彷彿係一個獨立既私人區域咁，成個愉景灣由一條隧道出入，穿入呢條隧道就好似進入左另一個世界，我就即刻諗起 Big Fish 個畫面，一個個獨立既 village 。入面o既人個個都好優閒咁帶住o的狗仔散步，周圍綠草如茵，好舒服咁。   　係呢個獨立既區域入面，係 car not allowable 既，出面既車唔俾駛入去，入面只可以以哥爾夫球車代步…   　點解呢個咁美好o既地方，美景良辰，日落黃昏，浪漫非常之時，我身邊既竟然係另一個 department 既 senior 黎？

中國2005年會計師事務所百強排名【節錄】 　　1  　 普華永道中天會計師事務所　　2　　 畢馬威華振會計師事務所　　3　　 德勤華永會計師事務所　　4　　 安永華明會計師事務所　　5　　 上海立信長江會計師事務所　　6　　 信永中和會計師事務所　　7　　 中審會計師事務所　　8 　  岳華會計師事務所　　9 　　中瑞華恒信會計師事務所　　10　　北京京都會計師事務所　　11　　天職孜信會計師事務所　　12　　江蘇公證會計師事務所　　13　　天健會計師事務所　　14　　利安達信隆會計師事務所　　15　　上海眾華滬銀會計師事務所　　16　　浙江天健會計師事務所　　17　　安永大華會計師事務所　　18　　中和正信會計師事務所　　19　　浙江東方中匯會計師事務所　　20　　大信會計師事務所　　21　　深圳鵬城會計師事務所　　22　　中天 華正會計師事務所　　23　　廣東羊城會計師事務所　　24　　中喜會計師事務所　　25　　武漢眾環會計師事務　　26　　上海東華會計師事務所　　27　　亞太中匯會計師事務所　　28　　北京天華會計師事務所　　29　　江蘇蘇亞金城會計師事務所　　30　　北京永拓會計師事務所 　o個日老闆叫我入房傾計，就係話公司未來有新發展，轉緊型，話大陸總公司有新動向。今日上網做o左一輪 research ，佢所講o既o野似乎都有憑有據，我間公司【第廿二】執業o既係由中國財務部o既人出o黎，所以有財務部o既人撐腰，而大陸第五大o既立信長江係工程部出生既【大陸讀工程係好猛料既…】。講左一輪，原來係話，佢地一大班人，連同大陸第五大既立信長江、我地中天 華正、第廿三大廣東羊城攪緊合併，原因係應中國會計師協會o既意見【要求？】將中國本土會計師樓做大做強，而呢三間o野o既合併消息已經o係中國業內帶o黎震撼，因為合併之後o既公司規模將會超越第四大o既安永。而呢個結果亦都係大陸有關方面既目標【要求？】。老闆話佢呢排隔幾日就同北京個老闆梁春聯絡拎消息，話合併既通知將會o係兩個禮拜左右公布。合併之後，我地呢間香港唯一o既分所會有o的咩得益？首先，肯定會有好多大陸遞過o黎o既大 job 做【基於我地係香港分部o既角色，佢地話我地學美國 GAAP,or else會快o的【well…香港 GAAP 我都未攪得掂…】，so 呢一類型o既 job 會遞俾我地，幫o的大陸大客攪外國既業務發展。】 ；另外，大陸咁多國企o既上市 IPO ，一定會俾自己友跟番；又老闆話佢已經俾大陸個梁春摧佢快o的擴大規模，因為之後會有好多機會，準備好先可以接o黎做。可能因為咁，呢排我坐緊個風水位成日見到有班友行黎行去－接待客人【見到好多人種…美國高佬？黑人！大陸女強人！？】我呢個風水位成日就o係度及o野~XDDD 又我呢三晚連續 OT 到十點鐘都重見到o的老闆們留係度… 　我o個陣聽完第一個感覺就係：你同我講呢o的o黎做乜呢…？第二個感覺就係：感覺好似打緊三國志咁，非常之 funny。第三個感覺係：你攪到我好想快o的 prepare 好自己迎接更大o既挑戰。之後佢就入左正題，話公司加左我人工。 　上網睇完有關既報導同分析之後，覺得間公司發展得咁快真係 very good 呀，無錯我係俾佢 impress 到架，因為無論點樣我都有得益，接觸多o的先會學多o的o野！之後又諗到，點解我望o既o野全部集中哂o係大陸？不過其實，而家o係香港做o野，唔望住大陸，望住邊度？其後又關心到，我只係o岩o岩過o左三個月 probation 無耐o既新仔，老闆同我講呢o的 strategy planning 令我有o的耐人尋味，雖然我一方面覺得呢o的 planning 好o岩我脾胃。 　我駛唔駛調節一下我個 career plan ？Anyway, 點樣都好，當然係為自己著想，我或者諗到我應該點做。…

　返左工就o黎個半月喇，不過所有o野都仲未係完全上得哂手，因為之前 department 有o的混亂，個個 department o的規矩都有o的唔同，攪到我又要學過哂o的o野。 　我終於知道我自己o係屬於邊個一部門，我o個個新部門o黎，係專責負責公司既美國聯營機構遞過o黎 clients ，即係話…我將會處理幾多 compliance audit o既o野－－美國 standard 轉去香港 standard 或大陸 standard 諸如此類。將會同我而家做o既 SME (Small and Medium-Sized entity) 好唔同，個 senior 仲話呢個 department 將會處理好少 SME 既 job… 咁即係點？即係話我呢個新 department 會主力處理外國客喇。 　因此，我又有好多新既挑戰… Manager F【一個個樣日日要著到好 formal ，講野似足 lovely waiting 既女人，我只係同佢講左幾次野，就聽佢講左好多次好多次要我多o的自信多o的自信多o的自信！】要我襯機會操掂國語【當然…仲有多國語言…】，佢話會 assume 我英文係得架喇，今日佢一埋黎就話 Dennis 你電腦掂唔掂？為左迎合佢，我諗左一個幾自大【同有自信心一線之差。】既答案：「emmm~ 我認為我比一般人好o的喇。」佢教我話，做人謙虛唔緊要，做野就一定要有自信心，主動，因為有能者居之！聽佢講野，我好似日日都o係度打緊仗咁。「輸人都唔可以輸陣呀嘛！你明唔明我講咩呀？」呢句口頭禪聽到我入哂腦喇… 　我返工一向恤衫西褲加條領呔仔，我見其他同事剩係得恤衫西褲就算，雖然我唔鐘意唔帶領呔，但係我一直認為公司係有彈性既政策黎。早幾日聽番，我先知其他同事係無問題既，但係因為我呢個 manager 既關係，我呢個 department 全 department 都要著得肆肆正正…難怪我個 Senior L…